بني رشيد اللي من اول إلى الان اسلاحهــم يعبـــاء لراس المعـــادي عيال عبــــــس مطوعة كل طغيـــان مثل الحــــــرار اللي جردها الهدادي
جديد الموضوعات

 
 عدد الضغطات  : 8162 مركز تحميل المنتدى 
 عدد الضغطات  : 5665


اهداءات مضارب عبس


العودة   منتديات مضارب عبس - بني رشيد > الساحات الادبيه > منتدى الرويات والقصص

منتدى الرويات والقصص ابرز القصص والروايات وما تحتويه من فوائد وعبر

إضافة رد
 
أدوات الموضوع انواع عرض الموضوع
قديم 24-06-2011, 03:00 PM   #1
مشرف الرويات والقصص
 
الصورة الرمزية بندر العويمري

الجنس :  ذكـــر
الدولة :  تبوك الشماليه
هواياتي :  خدمة مضارب عبس
بندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond repute
من راح من كيفه وكيفه يوديه
خله على كيفه وكيفه يجيبه
المشرف المميز 
بندر العويمري غير متواجد حالياً
افتراضي قصه وقصيده(يـادار ما شفتي ظبــي المــطاوي)

هالقصه باللغه العاميه البحته اللي ما يعرف اي كلمه يحط تحتها خط وانا اترجمها
هذا رجال طال عمركم راح أيام الربيع وقعد يتمشى ويطالع ولا الارض زينه ومزهره والربيع منتشر والخضار عام ,
لا وبعد موافق مثل ما تقول محلات كلها خباري ومياه , ويتمشى حولها ويدور السهول ويطالع ويناظر , الرجال دقاق نظر بخيص ولا هو بعجل يتفرج ويطالع ولا والله يلقى أثر فقع قعد يدور في الفقع ويطالع جمع له شوي , والله يوم مشي وتعدي ضلعان وجبال ولقى أرض سهله وزينه ودمثه وفيها عرب منا ناس ومنا ناس نازلين اللي معهم غنم واللي معهم ابل تشطر عنهم بعيد وقام يتمشى الحاله وأثناء ماهو يتمشى مادرى إلا والله هاك الغنم يوم انهلت عليه من عند هاك الثنيه ولا وراهن هاك البنت الجميله بنت زينه عليها جلال ومتحشمه , سلم عليها من بعيد , سلام وعليكم السلام وما أدري ويش , وصارت قريبه حوله تكلمه وش انت يالاخ ومتاك جاي هنيا , قال والله جاي اتمشي واطالع و أدور إن كان هنا فقع , ولاهي معها فقع مجمعته قبل لا يجي هو , خذت الفقع اللي معها وقالت خذ هذا تفضل أنا مجمعته , قال خليه
لكم , قالت لا حنا مقيمين في البر وأنت طرقي يمكن تقعد الليله وتمشي خذ هذي الساعه المباركه ,خذاه منها وقعدت تتكلم معاه شوي ولا الحقيقه على جانب من الثقل والجمال وفيها حياء عظيم , ولا تهرج الا على شوي شوي , طالع
عيونها من ورى البرقع وجازت له عيونها بالحيل ( ما تخلون حركاتكم يالرجال ) الحاصل إنه أخذ الفقع منها , قالت له تفضل عند أهلي شف مكاننا هناك تعال تغد عندنا او تعش , واستانس منها على كرامتها وانها قلطته وقالت له تفضل , قال ان شاء الله أشوف أنا بتمشى شوي إن امداني مريت عليكم و إن ما أمداني , انتم مقيمين هنا ؟ قالت ايه والله حنا مبطي في هالمكان , المهم شعفت قلبه بكلامها وحركاتها وبثقلها ورزانتها وهو شاعر والشاعر مرهف حس ودقاق , وعقب يومين من تمشيه في البر دخل للديره ويوم دخل قام يسولف على واحد من أصدقاه يقول إني رحت كذا وكذا وحصلت وشاهدت هاك البنت الجميله وإنها قالت لي كذا وإنها حياويه وإنها تطقق اصابعها من الحياء لا ناظرت , قال يا رجال هين بس واجد قال إنها والله شعفت قلبي , قال يارجال بكره ولا عقبه تنساها , المهم لامه على قوله تلقى غيرها الحريم واجد والعشق واجد وإن تولعت في هالامور بتتعب , المهم يالربع مالكم بالطويله انتهي وقت الربيع وهو لا يزال يذكر هاك الموقع وهاك المكان وهاك الحبابه والطرافه والكلام الطيب , وعقب فتره عقب ما جاء الربيع الثاني قرر قال ابروح أزورهم في مكانهم اكيد اني ابلقاهم , اخذ معه شي من الهدايا مثل ماتقول هديه بسيطه كسوه وقال اروح اسير عليهم, فتجهز وراح يوم راح ووصل للموقع اللي هو خابر اللي هو شافهم فيه جاء ولا والله ما هم فيه ولا هم شادين ورايحين لمكان ثاني لانهم يتابعون مشاهي حلالهم, وفعلاَ ما لقى أحد هاك الليله اللي هو وصل فيها لمكانهم وما وصل الا متأخر ونام , نام في هاك المكان لكنه لا يزال يتذكر هاك الموقع اللي يوم تعطيه الفقع فيه ويوم تقابله ويوم يحكون عند هالحصاة شوي ويتقدم يتقدم عنها شوي ويتذكر يوم إنها تطق بعصا معها على هاك الحصاة الكبيره وترفع رجل وطمن رجل وتمشى وتذكر مناظرها له وكلامها الطيب له وإن كلامها يهشش القلب شوي وزين ويدخل العقل كل هالاشياء تذكرها وهو يتمشي ويطالع ويناظر أمساه الليل ونام في هالمكان لكن يوم نام وجاء تالي الليل توقظ ولا والله يسمع حس ذيب بعيد وهيضه هالذيب ............. وقال




البارحه جاوبت لي حـس عـاوي
ذيب عوى لجيـت بالحـس ويـاه
ذيب يجر الصوت حسـه خـلاوي
ياقلب ياللي جاوب الذيـب بعـواه
والصبح بانت في ضميري أهـاوي
صوت (ن) زعجته ليت خلي توحاه
يادار ما شفتـي ظبـي المطـاوي
أتلى علامي بـه غشنـك رعايـاه
أنا على شـوف الحبيـب شفـاوي
كأنـه هنيـا خبرينـي بممـسـاه
قالت لي الأوطان جلـع ضحـاوي
اليـوم رأس الرجـم هـذا توطـاه
أمس بهذا وأصبـح اليـوم نـاوي
يتلـى سلـف بـدو بعيـد معشـاه
كشف لهم بـرق سديـد عشـاوي
يخيلونـه يـم خـشـم المسـنـاه
يبـون مربـاع بهـاك الحـراوي
لا زاف زملوقه وشبعـت رعايـاه
إخذ الخبر ما هوب خرص وهقاوي
أعطيك علم صويحبك ويـن تلقـاه
أدني مرابيعـه بخشـم الصـداوي
وبيـوت مقياضـه بقريـة مبنـاه
مير اطلب الله لو صوابك مخـاوي
كم واحـد قبلـك عشيـره تمنـاه
يالعين مـا ينفـع كثيـر الشكـاوي
إلا على اللي دبر الغيـث وأنشـاه
ياونتـي ونـة وحيـد جــلاوي
اللي سبب دينه من أقـرب دنايـاه
ولا خلافـه مـن يحـل الدعـاوي
لا صار ربعه منه تبـي المثـاراة
عليك ياللـي لـك بقلبـي مكـاوي
ثلالث ردعـات هـوادي وعرقـاه
عقبه فقدت مـن المنـام الحـلاوي
وحتى متاعي قامت الكبـد تجفـاه
يالايمـي ياعـل مالـك عـراوي
بـلاه مـا ولعـك بالحـب حليـاه
من لا يعرف الحب عنده دعـاوي
يشره على راعي المحبـه وينشـاه
ويقول هذا فـي مماشيـه غـاوي
وحنـا نـدل الـدرب والحمـد الله
يالله عسى مثلـه كثيـر الهـزاوي
يبلوى ببلـوى مـن لسانـه تهـزاه
حتى يعـرف إن المحبـه بـلاوي
ويشوف مثل اللي من الحب شفنـاه
عساه يبلـى فـي محبـة حيـاوي
حب الهنوف اللي يحده على أقصاه
تفرى ضيره فري دلـو الـرواوي
إلا صفقها الجال مـن حـد ملقـاه
لا لجلجت له بالنظيـر السهـاوي
كلامها (لبيـه) عـن قولـة هـاه
كلامهـا للقلـب مثـل الـمـداوي
اللي عرف علـة مريضـه وداواه
يـارب إنـي بالتفاتـك رجــاوي
تلم شمل الولف من عقـب فرقـاه
لو تنفـع الفزعـات ولا النخـاوي
على المحبة كان كـل (ن) نخينـاه
مير الرجاء والياس صار متسـاوي
ياقلبي أصبـر فـي تدابيـر الإلـه
لو مابقى في حالـك إلا شـلاوي
مادبر الوالي على العبـد يرضـاه




قال هالقصيده وهي في الحقيقه تعبر عن شعوره وعن خطواته اللي هو مشاهن وهذه من أجمل قصائد الغزل
للشاعر/ مرشد بن سعد البذال العجرمي الرشيدي..
التوقيع :
في خدمة منتديات مضارب عبس من تبوك الشماليه
  رد مع اقتباس
قديم 24-06-2011, 03:10 PM   #2
تكفيني الذكرى
 
الصورة الرمزية فيصل العايضي

الجنس :  ذكـــر
فيصل العايضي has a reputation beyond reputeفيصل العايضي has a reputation beyond reputeفيصل العايضي has a reputation beyond reputeفيصل العايضي has a reputation beyond reputeفيصل العايضي has a reputation beyond reputeفيصل العايضي has a reputation beyond reputeفيصل العايضي has a reputation beyond reputeفيصل العايضي has a reputation beyond reputeفيصل العايضي has a reputation beyond reputeفيصل العايضي has a reputation beyond reputeفيصل العايضي has a reputation beyond repute
مشتاق لك بالحيل ودي بلآماك
لكن مقادير الزمان ابعدنا
ماباقي الاصورتك جنب ذكرآك
صارن شقى لي والليال آحرمنا
المراقب المميز وسام الابداع 
فيصل العايضي غير متواجد حالياً
افتراضي رد: قصه وقصيده(يـادار ما شفتي ظبــي المــطاوي)

صح لسان الشاعر/ مرشد بن سعد البذال العجرمي الرشيدي

ومشكور على نقلها
التوقيع :
يا ليتني في ليلة الإمس ما نمت...
كان العيون من الدموع إستراحت

و لكن كتب ربي إنام و تحلمت...
حلمأ سكن وسط المشاعر وصاحت

شفتك بحلمي جيت يمي وسلمت...
سلام من عينك له العين باحت

ناظرتني صامت وإنا ما تكلمت...
  رد مع اقتباس
قديم 24-06-2011, 03:46 PM   #3
 
الصورة الرمزية الوفاء طبعي

الجنس :  آنـثـى
الوفاء طبعي has a reputation beyond reputeالوفاء طبعي has a reputation beyond reputeالوفاء طبعي has a reputation beyond reputeالوفاء طبعي has a reputation beyond reputeالوفاء طبعي has a reputation beyond reputeالوفاء طبعي has a reputation beyond reputeالوفاء طبعي has a reputation beyond reputeالوفاء طبعي has a reputation beyond reputeالوفاء طبعي has a reputation beyond reputeالوفاء طبعي has a reputation beyond reputeالوفاء طبعي has a reputation beyond repute
المشرف على المسآبقه الرمضآنيه الفائز الاول بمسابقة المدونات الاداريه المميزه الحضور الرائع نجمة المنتدى 
الوفاء طبعي غير متواجد حالياً
افتراضي رد: قصه وقصيده(يـادار ما شفتي ظبــي المــطاوي)

صح السانك
وتسلم
التوقيع :
-استغفر الله واتوب اليه -
  رد مع اقتباس
قديم 24-06-2011, 03:46 PM   #4
شِــِتأأتـً رََجَـِلِ
 
الصورة الرمزية سفيرالغربه

الجنس :  ذكـــر
الدولة :  انيوزلندا
هواياتي :  اوصل طموحي
سفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond repute
أعيش في عينه وأنا ميّتٍ فيـــه.
في وسط عينه كون من نوع ثاني ؟!
بس أتلهف كلمته يوم أنـــاديه
وليا نطق {لبيــه} طحت بمكاني
مشترك في دورة المواضيع الحضور الرائع وسام التواصل وسام مضارب عبس 
سفيرالغربه غير متواجد حالياً
افتراضي رد: قصه وقصيده(يـادار ما شفتي ظبــي المــطاوي)

رحمك الله يامرشد البذال
وتسلم اخوي بندر ع نقلها
تحياتي وشكري لك
التوقيع :
احتراما للكلمه ..واحتراما للقارئ ..واحتراماً للمكان
أحرصوا على انتقاء ردودكم وماتضعون من صور في المدونات أو غيرها من المواضيع بـ ترك سـمعه حسنه وصـوره جميله ورآقيه.... لمتابعيكم ولأنفسكم اولاً...
أبطي وتبطي ويبطي حبك بقلبي
أسأل وتسأل ويسأل شوقنا عنا

أمشي وتمشي ويمشي زولك بدربي
أروح وتروح ويروح الزعل منا

أبعد وتبعد ويبعد من طلب قربي
أجيك وتجيني ونرجع مثل ما كنا
  رد مع اقتباس
قديم 24-06-2011, 03:56 PM   #5
مشرف الرويات والقصص
 
الصورة الرمزية بندر العويمري

الجنس :  ذكـــر
الدولة :  تبوك الشماليه
هواياتي :  خدمة مضارب عبس
بندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond reputeبندر العويمري has a reputation beyond repute
من راح من كيفه وكيفه يوديه
خله على كيفه وكيفه يجيبه
المشرف المميز 
بندر العويمري غير متواجد حالياً
افتراضي رد: قصه وقصيده(يـادار ما شفتي ظبــي المــطاوي)

مشكورين الجميع ع مروركم
التوقيع :
في خدمة منتديات مضارب عبس من تبوك الشماليه
  رد مع اقتباس
قديم 25-06-2011, 09:42 AM   #6
إدآري
 
الصورة الرمزية بندر العايضي

الجنس :  ذكـــر
الدولة :  في طيبه الطيبه
هواياتي :  الرياضة
بندر العايضي has a reputation beyond reputeبندر العايضي has a reputation beyond reputeبندر العايضي has a reputation beyond reputeبندر العايضي has a reputation beyond reputeبندر العايضي has a reputation beyond reputeبندر العايضي has a reputation beyond reputeبندر العايضي has a reputation beyond reputeبندر العايضي has a reputation beyond reputeبندر العايضي has a reputation beyond reputeبندر العايضي has a reputation beyond reputeبندر العايضي has a reputation beyond repute
المراقب المميز وسام الابداع 
بندر العايضي غير متواجد حالياً
افتراضي رد: قصه وقصيده(يـادار ما شفتي ظبــي المــطاوي)

مشكور على القصة الرائعة وصح لسان الشاعر
التوقيع :


• اللَّهُمَّ أغفر لي ذنبي ووسع لي في رزقي وبارك لي فيما رزقتني •
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
قصه وقصيده..! سيف المظيبري منتدى الرويات والقصص 5 25-05-2011 10:28 PM
قصة..(راعي الخلفه).. قصه وقصيده شعبيه سفيرالغربه منتدى مضارب بني رشيد 13 13-05-2011 11:03 AM
قصه وقصيده عن الحب الحقيقي ابو نافع العايضي منتدى الرويات والقصص 7 12-12-2010 06:23 PM


الساعة الآن 07:57 AM


Powered by vBulletin® Version 3.8.7
Copyright ©2000 - 2020, vBulletin Solutions, Inc
تركيب : مجموعة الياسر لخدمات الويب

d3am - by kious99 : Search Engine Friendly URLs by vBSEO 3.3.0