رد الشاعر مساعد الرشيدي على عيد مربح - منتديات مضارب عبس

19-01-2011, 12:27 AM

وجه الشاعر الكبير القدير / عيد بن مربح الرشيدي قصيده للزعيم مساعد الرشيدي هذه النادره:

وقت رجم الشقا من عرض من واق فيه
وسبقوني علـى متنـه قـروم العيـال
بين نمة حسود وبيـن هـذرة سفيـه
اتّكالي علـى المحيـي عزيـز الجـلال
الوفاء ماشـيٍ بـه والـردى محتريـه
حسبي الله على الهقوه ومكـر الرجـال
والخطاب المبطّـن والسـؤال الوجيـه
كلبوهن لهـن مغـزى وجملـه تقـال
ومجلـسٍ مايقـدّر خطوتـك لاتجـيـه
حط بينـك وبينـه بـرزخ الأعتـزال
روّض النفس وأردعها عن اللي تبيـه
وكان طاوعتها غنـت علـى ليـل لال
وأعطها فرصه المسجـون لمزاوريـه
ودفها دفـة الطاغـي لمستـور حـال
قبل تفهم غلـط معنـاي عـرّج عليـه
بكره النفس تسأل عن حـرام وحـلال
يامساعد ربيع يابو فيصـل ياهييييييـه
خذ عن الوضع نبـذة ياكريـم السبـال
ياولد مـن تمـد الجـود راحـة يديـه
ياغصن دوحةٍ يلقـى تحتهـا الظـلال
مستحيجٍ ريال ووسـط جيبـي جنيـه
ولازم أصرف جنيه لحاجتـي بالريـال
أتخذت القـرار الصعـب ماقلـت ليـه
شيٍ أكبر مـن الواقـع وحلـم الخيـال
المهـم أرتكيـت بمرقـبٍ منـت أبيـه
رغم طعن الزمان وضحكـة الأحتيـال
وأي طيب نزيـه أنـا خويـه وأخيـه
لين حمر النثايل فـوق قبـري تهـال

رد الزعيم / مساعد الرشيدي :

شرف الرجم (عيد) وجابن العيد فيـه
مرهفات الهجوس ومفحمات الخيـال
وأنصرف مثل (نوٍ) عاقـدٍ حاجبيـه
لين هلهـل عثاكيـل برديـه وسـال
أقبل البرق قبلـه والرعـد مقتفيـه
والسعد من يمينه والفخر من شمـال
كنه اللـي تغافلنـي وأنـا محتريـه
من مغيب الهلال ليا طلـوع الهـلال
لين قام يتصافق مـن حديـه لحديـه
قلت هذا (ولد مربـح) بليـا مجـدال
أثر مافيـه لا حيلـه ولا لـه شبيـه
ميـر يامرحبـا يـوم نـادى وقـال
(يامساعد ربيع يابو فيصـل ياهيـه)
عد مانسنس الغربي وشعشع ظـلال
شاعر ضيق الفرصة على منافسيـه
كم كتب بيت شعر وصار مضرب مثال
كل ماهو لديهـم بعـض ممـا لديـه
أن بغوها حميـا وأن بغوهـا عـدال
وصاحبٍ عند وقت اللازمه محتسيـه
يوم مال الثقـال إلا ظهـور الجمـال
كاربـات عزومـه فتٌـل ساعـديـه
مرتوي عز نفس وممتلي طيب فـال
كل عبسي يعرف أفعال جـده وأبيـه
مثل نارٍ لها في راس (أبان) آشتعـال
كنه الجدي في ليل السـري نقتفيـه
وكنه المارد العـذب القـراح الـزلال
يارفيـق لفانـي منـه شعـر عليـه
ختم جودة (قلادان) الظفـر ماتـزال
شعر شامـخ معانـي فـاردٍ منكبيـه
كامل أوصاف بأمر الله عزيز الكمـال
خل صدرك على الضيقات خبت نفيه
لا يجي للحسوفه في حياتـك مجـال
ماش عذر وجيـه لبارديـن الوجيـه
باهتيـن الحميـا قاصريـن الحبـال
مايعكر مزاجـك غيـر رجـل مليـه
مايسد بلـزوم ولا يعـز ،، بوصـال
أحقره حقـرة العالـه علـى والديـه
وسط مجلس تمركو به زحول الرجال
لا تطيل النظر في كـل وجـه كريـه
وحط في كل عينٍ مـا تـودك خـلال
أما أنـا يارفيقـي موقفـي محتميـه
في جميع الظروف وفي جميع الحوال
لا توصي حريص ولا تفطـن نبيـه
مـدرك للأمـور وحاسـب للهبـال
ماتزحزحت شعره عن مـرامٍ نزيـه
آتساهله لو شافـوه صعـب المنـال
منتهى المجد عمـر بالوفـا تبتديـه
ومنتهى الذل من حط الردي راس مال
لا أنقطع حس (عيد) ولا عدمنا وحيه
يوم غنا بعذبـات الطـروق الجـزال
وبعد ماتوج أمجـاد القلـم بأصبعيـه
ذا مردي ،، وهذي غترتي والعقـال

19-01-2011, 10:34 AM

صح لسان الشاعر الكبير الزعيم مساعد ولسان الشاعر عيد بن مربح ولاهنت اخي الاطخم ع النقل ولاختياار الراااااااائع
تحياااااااااتي لك

19-01-2011, 10:36 AM

صح لسان الشاعر الكبير الزعيم مساعد ولسان الشاعر عيد بن مربح ولاهنت اخي الاطخم ع النقل ولاختياار الراااااااائع
تحياااااااااتي لك

19-01-2011, 12:50 PM

صح الله السنتهم جميع
شعار عبس
مشكور اخوي الاطخم
لاعدمناك

19-01-2011, 03:00 PM

صح السنتهم جميع
ولاهنت ع النقل

19-01-2011, 03:05 PM

صح السنتهم
مشكوووووووووووووووووور الاطخم على النقل

19-01-2011, 06:48 PM

صح السنتهم

وبيض الله وجههك على نقل هذه القصائد

ولك كل الشكر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مقتطفات للشاعر المبدع الشاعر عيد بن مربح الرشيدي	ابو سعيد	منتدى الشعر الشعبي	22	12-08-2015 06:19 AM
بعض قصايد زعيم الشعر الشاعر مساعد الرشيدي	سلوى	منتدى الشعر الشعبي	7	16-12-2010 08:44 PM
علاوي نجد للشاعر / عيد بن مربح الرشيدي	فيصل العايضي	منتدى الشعر الشعبي	14	13-12-2010 03:08 PM
//~نبذة عن الشاعر.ٍ مساعد الرشيدي ..!!	حنين الشوق	منتدى أخبار قبيلة بني رشيد	13	11-09-2010 03:38 PM
الشاعر فوزان بن مربح في ضيف الاسبوع	عبدالله مذكرالرشيدي	منتدى ضيف الاسبوع "	25	26-06-2010 07:18 AM