بني رشيد اللي من اول إلى الان اسلاحهــم يعبـــاء لراس المعـــادي عيال عبــــــس مطوعة كل طغيـــان مثل الحــــــرار اللي جردها الهدادي
جديد الموضوعات

 
 عدد الضغطات  : 8162 مركز تحميل المنتدى 
 عدد الضغطات  : 5665


اهداءات مضارب عبس


العودة   منتديات مضارب عبس - بني رشيد > الساحات الادبيه > همس القوافي

همس القوافي للقصائد المنقوله

إضافة رد
 
أدوات الموضوع انواع عرض الموضوع
قديم 27-09-2010, 12:11 AM   #1
عضــو ذهــبي
 
الصورة الرمزية سلطان الذيابي

الجنس :  ذكـــر
الدولة :  منتديات مضارب عبس
سلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond repute
سلطان الذيابي غير متواجد حالياً
افتراضي من روائع الشاعره عابرة سبيل

السلام عليكم ورحمة الله وبركاته ..

اتحدث اليكم عن شاعرة ظهرت شمسها وغابت فجأه ..

انها عابرة سبيل تلك الشاعرة التي تقول عن نفسها :

أهلي يـدرون إنـي شاعـرة
بس مايدرون في جرح الليال
يمنعوني من كتابـة خاطـرة
مادروا إني من زمان بهالمجال
آه لو يدرون اني (( عابرة ))
عندهم بتصير موتتنا .. حـلال

--------------------------------------------------------------------------------

كانت الشاعرة عابرة سبيل .. هذا اذا كان حقيقة ..

لاتخلوا قصائدها من الطرافه حيث تقول عن بطاقتها الشخصية :

أنا عجوز مطلقـة وأم ورعـان
وأيضاً مدام وبنت وآنس وعانس
أنا بدوية وعايشه عند حضـران
وبنت البحر وأبوي زارع وغارس
أميةٍ ماتعرف حـروف وألـوان
وتلميذةٍ دشت جميـع المـدارس
ظفرة وخبلة عاقلة في نقصـان
شرود وأنطح لي ثمانين فـارس
خلوني أعيش العابرة دون عنوان
طيفٍ يمـر بلارقابـة وحـارس




اترككم مع مختارات من شعر شاعرتنا ...


°•..•° عــــــابرة سبـــــيل °•..•°





بريال عارضته على السوق بريال
من باعني برخيص والله لأبيعـه
من يشتري رجّال قصّر بالافعـال
باع العهود الماضيـه للخديعـه
رجّال يسوى له ثمانيـن رجّـال
كل الصفات اللي ملكها فضيعـه
له ضحكةٍ تشبه لضحكات الأطفال
ذيبٍ ونظراتـه حنونـه وديعـه
وله فزعةٍ منها المجانين عقّـال
وفجوج لا ضاقت عليّ الوسيعـه
ياما عدل عوجا ثقيلات وطـوال
وأنا معاقبتـه غيـورٌ صريعـه
والله يسوى لـه ثمانيـن رجّـال
والخبل مثلي لا زعل يب يبيعـه


وهنا تأخذنا شاعرتنا رحمها الله الى الأصالة ..

حيث النقاوه .. حيث البساطه .. تأخذنا الى حياة البادية ..

وقصيدة بعنوان (( رســـــــــالة من بــــــــــــدوية ))



تعال بشـرح لـك أنـا كـل مغلـوق
تعـال شاهدنـي مــع ذكريـاتـي
لا لا يغرك لبس موضـة ومسحـوق
انفض غبار الوقـت تلقـي صفاتـي
قرب وطالع معّـن الشـوف بحـدوق
وزيف التطـور جـرده مـن حياتـي
بتشوف في وجهي من الماضي اطروق
أخذت من بطـن الصحـاري صفاتـي
طفلـة بثـوب مخيطينـه ومفـتـوق
تنطـر جديـد الثـوب بالعيـد ياتـي
سمعت طرف اخبار عن كلمة السـوق
وتاخذ وتسـأل هـو وجـوده ثباتـي
طفله سحبهـا الوقـت للهم برفـوق
حتي انهـا صـارت مـن العاشقاتـي
وجار الزمن وعرض الحـب للعـوق
شـرق ركايبهـا وهـم مشمـلاتـي
واتلا عهدها فيه يركـض ورا نـوق
مسرود جيب وفـي يدينـه عصاتـي
ويصد لكن يلتفت لـي مـن الشـوق
عجـلان يلخصنـي بعيـنٍ تحـاتـي
وقفـى وخطواتـه يتلـن معـلـوق
وخلانـي ماتنقـل عظامـي عباتـي
ودار الزمان ولا مشي الحظ بوفـوق
ومازلـت أخفـي بالظـلام اعبراتـي
ولا زلت أنا العب له علي كل طـاروق
حتـي يجيـب الله موعـد وفـاتـي


الشاعرة عابرة سبيل ..





ابدعت في كثير من القصائد ..

لقد نشر لها الكثير من القصائد ..

وطبع لها ديوان شعري ..

وعند البحث عن حقوق هذا الديوان وجد مجهول الهوية ..

لكنها كانت مجهوله للجميع ولم يستطع احداً تحديد هويتها ..

تضاربت حولها الروايات .. فهناك من قال انه لاوجود لها وانما يكتب ذلك رجل ..

وعندما انحرج من اظهار اسمه قتل تلك الموهبة المتمثله بــ عابرة سبيل ..

وقيل انها شاعرة حقيقية لكن خوفها من عائلتها هو الذي حال دون اظهار اسمها ..

لكن رحلت المبدعة الشاعرة الكبيرة التي استطاعت ان تصل الى قلوب الناس ببساطتها

وقربها من قلوبهم ومن معايشة حياتهم واوضاعهم ..






°•..•° عــــــابرة سبـــــيل °•..•°


كتلة الاحساس والمشاعر اللتي كالجبل المتدفق منه ينابيع وشلالات تسربت من بين صخور الشموخ والمعاناة ..


°•..•° عــــــابرة سبـــــيل °•..•°



من ارووووع الشاعرات بنظري ..

----------------------------------------------------------------------------------

حان الفراق .. وتم توديـع غاليـن
قسوة زمن وظروف ماهي رحومـه
وحاولت ابدّل موقف العسر بالليـن
وأبيـن قدامـه جسـور ظلـومـه
وأعاتبه وأنقد علـى دمعـة العيـن
وانا - حشـا لله - مانـي ألومـه
وأقـول هـذا حـال كـل المحبيـن
وهذا الفراق الـي تجينـا علومـه
ومسكت نفسي كن ماصايـر شيـن
أخشى على خلـي يشقق هدومـه
ثم قلت وش تنطر حبيبي لهالحين؟ !!
أثـر ايدينـي ماسكـات كمـومـه


°•..•° عــــــابرة سبـــــيل °•..•°

ضايقه بالحيل محتاجه اشتكـي
لولا طبع فيّ .. يمديني شكيت
بس أدور عذر منشان البكـي
لو يدوسون بطرف ثوبي بكيت
كل ماجيـت اتريـح وارتكـي
يزدحم في خاطري الفين بيـت
ويش بيدي افعله غير الحكـي؟
قاصره خطوات رجلي لو مشيت
أسرعي يانفس موتي واهلكـي
صرتي همي يوم بالدنيا شكيت


°•..•° عــــــابرة سبـــــيل °•..•°

لا تسافر وتتركنـي أجاهـد غـلاك
كل شـي يهـون إلا جهـاد الغـرام
أما تبقـى معايـا أو اسافـر معـاك
لاتخلينـي لطـوال الليالـي طـعـام
خوفي البعد لامنـه خـذاك وطـواك
مثل قصـر تـولاه الزمـن والهـدام
لا تسافر وانا اللي في رجا الله ورجاك
!! لاتسافـر وتلقانـي بقايـا حطـام


°•..•° عــــــابرة سبـــــيل °•..•°



ليتنـي البارحـه ياغالـي ماسريـت
يم درج ٍ مقفـل مـن قديـم السنيـن
أشهد اني فتحتـه وانتحبـت وبكيـت
شفت ماهيض الجرح القديـم الدفيـن
شفت وسطه رساله وليتنـي ماقريـت
بيت شعر قديم وظرف مـع صورتيـن
اشهد انـي لغيـره بالغـلا ماعطيـت
واشهد انه بغاني مير ما مـن عويـن
صحت من قلب ياويلي على اللي هويت
وقمت امسح دموعي من يسار ويمين
لاطرالي حبيبي بصوت واطـي حكيـت
!! إنا لله .... وإنـا للولـي راجعيـن


°•..•° عــــــابرة سبـــــيل °•..•°

يمه .. يايمـه .. فديتـك لاتخلينـي
بعثرني الهم وأبغـى يديـك تجمعنـي
يمه افهمينـي تـراك ان مافهمتينـي
مافيه شخـص بهالدنيـا بيسعمنـي
ماعدت انا طفلتك.. كبـرت شوفينـي
خليك يمي تـرى الاطمـاع تتبعنـي
لاتدللينـي .. أبـي منـك تدليـنـي
وابـي ايديـك تداعبنـي وتصفعنـي
ولا انهد حيلي أبـي عطفـك يقوينـي
ياما كلامك علـى الشـدات شجعنـي
وان جيتك ابكي .. ابي منك تهدينـي
مابيك تبكين .. أبغى العقـل ينفعنـي
يامملكة عطـف ياعطـر الرياحينـي
براثـن الهـم والهوجـاس تلسعنـي
بسمتك عندي الا من ضقـت تكفينـي
وارضاك عني عن الاحزان يرفعنـي
اسمى العلاقات تربـط بينـك وبينـي
ياللي احضانك ان ضاق الكون تاسعني
لك احترامي وحبي والوفـا .. فينـي
وفيك اروع الحب مايخطي ويخدعنـي




°•..•° عــــــابرة سبـــــيل °•..•°


ليصاحبٍ منه تبي تطلـع الـروح
خبلٍ ومن هي مولعه فيه .. خبله
عامين المح له من الجد ومزوح
واقـول ياعنتـر تناديـك عبلـه
طال المدى ثم قلت انا اغليك يالوح
مجروحه جرحٍ مخاطـره عجلـه
دنق وقال آنا من العام مجـروح
وأشر لجرحٍ مبطي وسـط رجلـه


°•..•° عــــــابرة سبـــــيل °•..•°

ياخبلي الغايب متى ترد للعين
متى اشوفك او تجيني رساله
صحيح بالدنيا خبولٍ كثيريـن
لكن خبالك ياحياتـي لحالـه


°•..•° عــــــابرة سبـــــيل °•..•°

خلون اعيش العابرة دون عنوان
طيفٍ يمر بلا رقابـة وحـارس



°•..•° عــــــابرة سبـــــيل °•..•°


أبكسر الاغلال واعيش حـره
بصنع قراري وكل شيٍ بيدي
مليت من صبرٍ عطاني مضره
أعيش في عصرٍ لجدّان جدي


°•..•° عــــــابرة سبـــــيل °•..•°


وما دمت أنا متعافية ما زلت في سن الربيع
مهما يكن حجم العمل أرفض وجود الخادمه


°•..•° عــــــابرة سبـــــيل °•..•°


يسألوني عابـره ويـن الجديـد
والاجابه ضايقـه فينـي ملـل
راحت ايام السعـاده والقصيـد
عشتها بيـن التكانـه والجهـل
كنت اروض شارد الحرف العنيد
ماعسرني لو بغيته فـي عجـل
فيه اصور لوعة الحـب الاكيـد
ومنّه(اشكل) ماحوى قلبي غزل
ومعه (اسافر) عن معاناتي بعيد
ولأجل حبه ماشحنّي من زعـل
احضنه (فرحة) طفل في يوم عيد
واسكنه (روض) الخزاما والنفل
واحتويته ليت لي (قلب ٍ) بليـد
ماعرف (فرق) الجزاله والهزل
والنهايه مابقـى عنـدي جديـد
واعذروني صارت ايامـي ملـل


°•..•° عــــــابرة سبـــــيل °•..•°


كانت الراحلة الشاعرة المعروفه عابرة سبيل تكتب شعرا جميلا خلف ستار
الاسم المستعار ولكن هنا سنذكر بياناتها الحقيقية بعد اعترافها وكذلك اشياء
لم نكن نعرفها واليكم


l1اسمها الحقيقي وسميه العازمي( ام فهد ) من الكويت
2/ عمرها الحقيقي عند وفاتها43سنه
3/لديها اربع بنات وولدين
ولقد توفيت في تاريخ 18/ 3/ 2003م
الساعه العاشرة والنصف مساءا وقد ذكرعنهاانها انسانه طيبه جدا وهادئه وتكره الاعلام
والمفاجاة ان زوجها لم يكن يعلم بشاعريتها الا عندما اعترفت له بذلك اثناء مرضها

وزوجها هو من تولى طباعة ديوانها ورفظت
هي ان تستلم دينارا واحدا من مبيعاته وهذا دليل على روعه هالشاعر ة الطيبه رحمها الله

°•..•° عــــــابرة سبـــــيل °•..•°


ترى الذبايـح واهلهـا ماتسلينـي
انا ادري ان المرض لايمكن علاجه
ادري تبـي راحتـي يابعـد عينـي
حرام ماقصرت ايديك فـي حاجـه
اخـذ وصاتـي وامانـه لاتبكينـي
لوكان لك خاطرن ماودي ازعاجـه
ابيك في ايدينك تشهدني وتسقينـي
وداعتك لايجـي جسمـي بثلاجـة
لف الكفن في ايديك وصف رجلينـي
ماغيرك احدن كشف حسناه وحراجه
ابيـك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى مابينك وبيني
ايام امشي عـدل وايـام منعاجـه
اعيالي همي وانا اللي في يكفينـي
علمهم الديـن تفسيـره ومنهاجـه


:
اللهم ارحمها وأسكنها الفردوس الاعلى من الجنه وأموات المسلمين

وكلي أمل ان اكون قد وفقت بما نقلت وتقبلو تحياتي

  رد مع اقتباس
قديم 27-09-2010, 03:04 AM   #2
مؤسس الموقع
 
الصورة الرمزية عبدالله مذكرالرشيدي

الجنس :  ذكـــر
الدولة :  القصيـم ــ بريده
هواياتي :  الشـعــر والخــواطــر
عبدالله مذكرالرشيدي has a reputation beyond reputeعبدالله مذكرالرشيدي has a reputation beyond reputeعبدالله مذكرالرشيدي has a reputation beyond reputeعبدالله مذكرالرشيدي has a reputation beyond reputeعبدالله مذكرالرشيدي has a reputation beyond reputeعبدالله مذكرالرشيدي has a reputation beyond reputeعبدالله مذكرالرشيدي has a reputation beyond reputeعبدالله مذكرالرشيدي has a reputation beyond reputeعبدالله مذكرالرشيدي has a reputation beyond reputeعبدالله مذكرالرشيدي has a reputation beyond reputeعبدالله مذكرالرشيدي has a reputation beyond repute
اللهم اهدني فيمن هديت
وسام الإدارة 
عبدالله مذكرالرشيدي متواجد حالياً
افتراضي رد: من روائع الشاعره عابرة سبيل

الله يرحمها ويسكنها الجنه
صراحه اعجبنتي القصايد الرائعه والجزله
مشكور ع النقل الرائع وفقك الله
التوقيع :
  رد مع اقتباس
قديم 27-09-2010, 03:09 AM   #3
عضــو ذهــبي
 
الصورة الرمزية نسايم شوق

الجنس :  آنـثـى
الدولة :  في قلب من يغليني
نسايم شوق has a reputation beyond reputeنسايم شوق has a reputation beyond reputeنسايم شوق has a reputation beyond reputeنسايم شوق has a reputation beyond reputeنسايم شوق has a reputation beyond reputeنسايم شوق has a reputation beyond reputeنسايم شوق has a reputation beyond reputeنسايم شوق has a reputation beyond reputeنسايم شوق has a reputation beyond reputeنسايم شوق has a reputation beyond reputeنسايم شوق has a reputation beyond repute
من راح من كيفه وكيفه يوديه !! خله على كيفه وكيفه يجيبه
وسام مضارب عبس 
نسايم شوق غير متواجد حالياً
افتراضي رد: من روائع الشاعره عابرة سبيل

رحمك الله ياعابرة سبيل
دمت بحفظ الرحمن ياسلطان الذيابي
والف شكر
التوقيع :
  رد مع اقتباس
قديم 27-09-2010, 04:57 AM   #4
عضــو ذهــبي
 
الصورة الرمزية سلوى

الجنس :  آنـثـى
الدولة :  بين الهــم والاه
هواياتي :  باحثه عن الامان
سلوى has much to be proud ofسلوى has much to be proud ofسلوى has much to be proud ofسلوى has much to be proud ofسلوى has much to be proud ofسلوى has much to be proud ofسلوى has much to be proud ofسلوى has much to be proud ofسلوى has much to be proud of
سلوى غير متواجد حالياً
افتراضي رد: من روائع الشاعره عابرة سبيل

صح السانها ورحمها الله
ولاهنت يالغالي على النقل الرائع
التوقيع :
  رد مع اقتباس
قديم 27-09-2010, 09:08 AM   #5
شــاعر
 
الصورة الرمزية مغاير

الجنس :  ذكـــر
هواياتي :  الشعر , الخواطر , النقاشات
مغاير has a reputation beyond reputeمغاير has a reputation beyond reputeمغاير has a reputation beyond reputeمغاير has a reputation beyond reputeمغاير has a reputation beyond reputeمغاير has a reputation beyond reputeمغاير has a reputation beyond reputeمغاير has a reputation beyond reputeمغاير has a reputation beyond reputeمغاير has a reputation beyond reputeمغاير has a reputation beyond repute
مغاير غير متواجد حالياً
افتراضي رد: من روائع الشاعره عابرة سبيل

حان الفراق .. وتم توديـع غاليـن
قسوة زمن وظروف ماهي رحومـه
وحاولت ابدّل موقف العسر بالليـن
وأبيـن قدامـه جسـور ظلـومـه
وأعاتبه وأنقد علـى دمعـة العيـن
وانا - حشـا لله - مانـي ألومـه
وأقـول هـذا حـال كـل المحبيـن
وهذا الفراق الـي تجينـا علومـه
ومسكت نفسي كن ماصايـر شيـن
أخشى على خلـي يشقق هدومـه
ثم قلت وش تنطر حبيبي لهالحين؟ !!
أثـر ايدينـي ماسكـات كمـومـه

°•..•° عــــــابرة سبـــــيل °•..•°

ضايقه بالحيل محتاجه اشتكـي
لولا طبع فيّ .. يمديني شكيت
بس أدور عذر منشان البكـي
لو يدوسون بطرف ثوبي بكيت
كل ماجيـت اتريـح وارتكـي
يزدحم في خاطري الفين بيـت
ويش بيدي افعله غير الحكـي؟
قاصره خطوات رجلي لو مشيت
أسرعي يانفس موتي واهلكـي
صرتي همي يوم بالدنيا شكيت




رحمة الله عليها

أسم لن يتكرر
وانا من اشد المعجبين في شعرها


وسلمت يديك يا سلطااااااااان
التوقيع :
  رد مع اقتباس
قديم 27-09-2010, 05:22 PM   #6
مدير مضارب عبس بالكويت
 
الصورة الرمزية سااالم المظيبري
افتراضي رد: من روائع الشاعره عابرة سبيل

الله يرحمها ويسكنهافسيح جناااته
وشكرا لك ياسلطان الذيابي على النقل
التوقيع :



انت السراب اللي ملكني وانا حي=عطشان كيف انا ارتوي من سرابك
اصل الحياه بلامحبه ولاشي= يا اللي عليه باخلا في حنا نك
  رد مع اقتباس
قديم 28-09-2010, 01:22 AM   #7
مشرف القسم الاقتصادي والتوظيف
 
الصورة الرمزية خالدالشويلعي

الجنس :  ذكـــر
الدولة :  منتديات مضارب عبس
هواياتي :  كل ماهو جديد
خالدالشويلعي has a reputation beyond reputeخالدالشويلعي has a reputation beyond reputeخالدالشويلعي has a reputation beyond reputeخالدالشويلعي has a reputation beyond reputeخالدالشويلعي has a reputation beyond reputeخالدالشويلعي has a reputation beyond reputeخالدالشويلعي has a reputation beyond reputeخالدالشويلعي has a reputation beyond reputeخالدالشويلعي has a reputation beyond reputeخالدالشويلعي has a reputation beyond reputeخالدالشويلعي has a reputation beyond repute
وسام الاعلام الفايز الاول في مسابقة الرمضانيه 3 الفائز الثالث وسام مضارب عبس 
خالدالشويلعي غير متواجد حالياً
افتراضي رد: من روائع الشاعره عابرة سبيل

رحمك الله ياعابرة سبيل
وربي كل قصائدها جزله
مشكور ياسلطان
التوقيع :

[FONT=Comic Sans MS][SIZE=6][B]][/URL]
احوووووووووووووبكم يامضارب عبس
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 06:20 PM


Powered by vBulletin® Version 3.8.7
Copyright ©2000 - 2019, vBulletin Solutions, Inc
تركيب : مجموعة الياسر لخدمات الويب

d3am - by kious99 : Search Engine Friendly URLs by vBSEO 3.3.0