بني رشيد اللي من اول إلى الان اسلاحهــم يعبـــاء لراس المعـــادي عيال عبــــــس مطوعة كل طغيـــان مثل الحــــــرار اللي جردها الهدادي
جديد الموضوعات

 
 عدد الضغطات  : 8162 مركز تحميل المنتدى 
 عدد الضغطات  : 5665


اهداءات مضارب عبس


العودة   منتديات مضارب عبس - بني رشيد > ساحات مضارب عبس > منتدى القصائد الخاصه

منتدى القصائد الخاصه لجميع عمالقة شعراء بني رشيد والقصائد الخاصه

إضافة رد
 
أدوات الموضوع انواع عرض الموضوع
قديم 05-06-2015, 08:38 PM   #1
عضــو فضــي
افتراضي القصايد التي ترشحت للفوز بالمسابقه

قصائد الشعراء المتأهلين في مسابقة الرأس الأبيض الشعرية

1.قصيده الشاعر /محمد عمران الرويضي الرشيدي

اسرج خيولك يالسان الشعر حان الوقت حان=مضمار شرّد وابتدا والراس الأبيـض منتهاه
اسرج خيولك مع مضارب عبس وارخلها العنان=واشمخ شموخ الراس الابيض ياعسى راسي فداه
هذا وطن عبس العريقه والمرابي والكيان=وهذي مرابط خيل من تخضع لهم روس الطغاه
بالجاهليه يوم سهم النبل يبرا والسنان=يجرد من ايمان الدهاه لضرب هامات الدهاه
المجد كان بهالمكان ولايزال بهالمكان=هذا مكان امجاد وافعالٍ تناقلها الرواه
هاذي مداهل عبس روس القوم من ماض الزمان=وآثار عز الدار بين حصون واقلاع الرماه
حرة فدك والراس الابيض والعلم واجبال ابان=وحرة يديع وماشمل واد المخيط وما حواه
ذآت الاصاد اللي به الغبرا وداحس في رهان =وذيك التلال وروضة الاجداد واخبوت الفلاه
دارٍ لها عنتر كنان وبعده احفاده كنان=قومٍ حشا ما تخضع الا للعباده بالصلاة
واليا زبنهم مبتلا بالدم ينعم بالامان=يبقى عزيز بدارهم وايمانهم طوق النجاه
انا اشهد انه مع سلايل عبس لايمكن يهان=ويصير له هيبه وتدحر هيبته هيبة أعداه
ويكون بحماهم بري لو كان للاعدا مدان=عزي لطلابه لياصارو هل الكفه ذراه
خطلان الايدي مابهم لاثارت الهيجا جبان=كمٍ من عقيدٍ نزلو راسه وجيشه ماحماه
للدار شان وللقبيله في علو المجد شان =بني رشيد اهل الكرم والطيب في جاه وْجاه
احرار مرباهم بعال المجد ماهم بالطمان=العز من عز الأصل والطيب من طيب النواه

__________________________



2.قصيدة الشاعر / سلطان بن رويشد بن بركه الداموكي الرشيدي

1- الديره اللي لجداني " بحرتها "مداهيل=جنوب حايل معالمها شمال من المدينه ،،
2- واللي يبي الوصف وبحاجة شوي من التفاصيل=من خيبر اللي يطالع شرق شاهدها بعينه،،
3- وشمالها الشرقي تحصل بيوتٍ طين ونخيل=واثار بلدة (فدَك ) وتحيطها اسوارٍ حصينه،،
4- هذا هو الوصف للي عن طريقه خايف يميل=وهذي هي الديره اللي كلها كنوزن ثمينه،،
5- رمزٍ لنا دونها كم تعبوا من ظمر الخيل=يوم انها با القنا والشلف والجنب المتينه،،
6- كم ارتوا قاعها بالدم من حدب المصاقيل=وقت مضى يشهد التاريخ في زينه وشينه،،
7- يشهد لنا الراس الابيض نشَّدَه كم مر من جيل =يخبرك عن ماضي اسلافه وعن باقي سنينه ،،
8- واللا انشد (القدر ) (والبيضاء) ونشّد ضلع (الاكليل)=واللا انشد(القور) و( العثمور) واللي ساكنيه،،
9-(وقاع السباق )ان نشدته يخبرك عن كل ماقيل=(وجثا وراطا ) دليل حي واسرارٍ دفينه،،
10- والكفه اللي تمثل كل عبسي خير تمثيل =تلقى لها بالصخور الصم رسمٍ ناقشينه
11- هذي مداهيل قومٍ في نهار الحط والشيل =كلن يبيع العمر من دون حدٍ محتمينه ،،
12- دارٍ لها عند اهلها حب لا يمكنَّه ايزيل=حبٍ مع الوقت يكبر من صغرنا وارثينه،
13- دارٍ سقتها المزون اللي من المنشا مخاييل=اللي سرا برقها قبل الرعد تسمع حنينه،،
14- واليوم حنا بعصرٍ مانبي عنه اي تبديل =في عهد من وحد بلاده بشرع الله ودينه،،
15- في ظل سلمان صعبات الامور امسَتْ تساهيل=الله يحفظَه لنا والله يعز محمدينه،،

__________________________


3/ قصيدة الشاعر / عبدالرحمن سويلم العويمري
سلام ياراسٍ شموخك طاول اركان الغمام=سلام ياتاج المفاخر عرضها مع طولها
يامنبع العز القديم وموطن الربع الحشام=راسٍ بدت هيبتْك من قومك وزين فعولها
يالراس الابيض عشت في عز ورخا وامن وسلام=يوم الرجال بجالك الشامخ تعن خيولها
راسٍ تجلت سمعتك قدر ومعزه واحترام=وتعيش رمزٍ للديار جبالها وسهولها
رمزٍ بديت بحرّة ابناعبس عالين المقام=في قمّتك قامت صلاه وعندنا مدلولها
ومن هو يجي في قمتك تكشف له ديارٍ عظام=يلقى مناظر باهره وتهوّله من هولها
ويشوف ماتعجز عن وصوفه تعابير الكلام=نسايمٍ تاخذ من الالباب لب عقولها
قلبٍ عشق حرة بني رشيد والله مايلام=فيها عجايب تبهر اصحاب العقول ان جولها
من العثامير العزيزه والظهر لين الخطام=واللابه وربعي تبرهن بالفعايل قولها
وقاع السباق اللي به التاريخ محفوظٍ تمام =واثار تاريخ الضحايا ساريٍ مفعولها
وان جيت في وادي الرمه لاصار للسيل احتدام=مناظرٍ فيها حياه لكل من لدولها
وفيهاخيار الجيشٍ حمرٍ مايجي فيها لغام =من ساس ريمان متسلسل ساسها واصولها
مايوم عرضن وسط سوق البيع لشريطي وسام=ولاطب وسط مراحها سوى خيار زمولها
من يجني احداهن يقول ان السعد والحظ قام=لاشافها قامت تسابق صوت من صاحولها
هذي ترى نبذه بسيطه عن تواريخ الكرام=وديار ربعي قلتها بالعز واختم قولها



________________________

4.قصيدة الشاعر / فيصل محمد بن جعيمير الرويضي.
سلم على الحره مداهيل الحرار=واسلم وسلم لي على ذاك الجبل
في دار عبس اللي تجير من استجار=الراس الابيض علّه الله بالوبل
شرقٍ منه ميلين مضمار المهار=وغرب وجنوبٍ منه مدهال الأبل
وشماله اﻵثار وافخر بالأثار=احصون عبس وللأصيلات اسطبل
في ديرةٍ للجار يانعم الجوار=للجار حق وعبس يعطونه دبل
والضيف يلقى في ضيافتهم وقار=ويلقى السخا والجود والوجه القبل
وخويهم دونه يبيعون العمار=يمناه بالشده لياشتد الحبل
ون زغردت بالكون زاهية الخمار=والحرب بالميدان دقلها الطبل
في ساعة كالليل في وضح النهار=والريق ناشف للشفايا مايبل
وشدو سروج المرهمه والملح ثار=تضيق في عدوانهم كل السبل
راسٍ يطيح وراس يرتكب الفرار=من ضربهم يجمح مجاميح الخبل
عون الدخيل اللي عليه الوقت جار=وفي سلمهم غير الشهامه ماقبل
هاذي مواطنهم ودار الافتخار=من يومها بسلال ورماح ونبل
وهاذي مرابط خيل حامين الديار=وهاذي مضاربهم من اليوم وقبل
بني رشيد مدللة شقح البكار=والليث تلقى في مداهيله شبل

____________________


5.قصيدة الشاعر/نايف بن ذويب العويمري
ياهجوسي ضجّ خافي كنيني وش تبوح=تـزدحم في خاطري شرد الافكار وتحير
فك اعـنّـة مسرجات ٍ لهن دبك وجموح=فكـة المـطـنوخ لالاح طـلـع وهد جير
ابعد الخطوه عن العالم الصاخب وروح=وش تبي بهموم الاخبار واعـلامٍ مثير
كلها تنقل من العالم المرعــب جروح=الحزن ودموع الاطفال ووحشّية ضمير
الزمن يرثـع بدنـيا يجافيهـا الوضـــوح=وش تخفّي تالي الوقت من شـي ٍ يصير
يالبنادم تـفنـي العـمر ماتلـحق طـموـح=كل ماتـكـسـب بدنياك تــسعـى للاخـير
والقـناعه طيّـبه كان يـغـريك الشـفـوح=مااقتنع قـارون بالـمـال لـو ماله كـثير
لاتخاف الفقر والرازق فجــوجه فسوح=لو تغطّيت السماء وافترشت من الحصير
رحلـة ٍ بالبــر ومـخايلك برق ٍ يلــوح=خيرلك من زحمة المدن وازعاج الدشير
مع ربوع ٍ كل واحد خفى قلـبه نصوح=خوة ٍ مضرب مثل كل صاحب مع عشير
السوالف تطرب البال وصدور ٍشــروح=والحطب لاشبّـت النار غاديله ســـعير
ودلة ٍ تركا على الجمـر لين تضـيق فوح=وصـبّ فنجـال المـهيّل على جال الغدير
في هدوّ ٍمعـتدل لاعـجاج ولالـفـوح=في مكان ٍحول رماحه وريضان الفزير
وانتقل للراس الابيض على هاك السفوح=ديرة ٍ فيها لبني عبـــس صولات ومغير
لارقيت بقـمـة المـجد عـاليـة الـصـروح=اشــهد انه راحة البال منقطع النـظير

____________________________________


6.قصيدة الشاعر / منيف راشد الداموكي الرشيدي
اكبر الوديان في شبه الجزيرة=واعرق ارموز التكاتف للعشيره
وادي الرمه قرى الحره مصبه=وتشترك فالدعم وديان ن كثيره
ورمزنا الكفه على اجنوب الاصايل=مطرق ن فوقه احلقة ن مستديره
يعني انك لو تقابل شخص عابر=تعرف انه ينتمي لك من بعيره
وحن هل اطول حرب فالتاريخ دامت =كيف نصبر لو عزايمنا صغيره
كم ذلول ن وسمها الموت المتاحي=حطت الكفه عليه وفيه غيره
وحن سند من ضاق فعيونه طريقه=من دخل فوجيهنا يبشر بخيره
لابتي عبس الحميا والكرامه=قبل تصدير المصانع للذخيره
ويوم جاء عصر البنادق والله انا=شطر اعيون ويمانينا شطيره
ندحم الغازي ويبعد عن وطنا =وان تمادى فالمدى مافيه خيره
وادي الرمه مااحد يرعى جنابه =غيرنا ولا رضينا بالخشيره
وبعده انسند على القور وعلى ابله=والعثامير ومرابعها الشهيره
من جنوب الشملي اليا ادنى المدينه=دارنا وانا لنا نخوه وجيره
لكن ان الراس الابيض دون غيره =يمتلك فينا مساحات ن كبيره
مثل كفتنا يجمعنا بياضه =والدليل اجموعنا الان الغفيره

____________________


7.قصيدة الشاعر /وليد بشير العجوني الرشيدي
1- ياشعري المحفوظ ماجاك شعري ؟=وللحين تحفظ من قديمي جديدي. ؟
2- ماتشوف من كبرك مقامي وقدري=ولك عين تصغر في مداي وقصيدي
3- مانت بعلى خبري ولا هان خبري=لو مانت سيدي والقوافي عبيـدي ..
4- لكن عليك الوقت والناس تزري !!=وانا بــشر لي قلب ، ماني بليــدي
5- وماتهون عشرتنا القديمه وعمري =اللي قضيته بين كيـدي وقيدي ...!
6- تعال خذ فنجال من كيف صبري=واحسب ذنوبك واعتبرني عنيدي !!
7- ماغير انا وياك و اجهاد فكري=والهاجس اللي جاب بالعيد عيدي !
8- بذكرى اول ابياتٍ لصغري بكبري!=اللي قبل تسعة سنين وتزيدي !!
9- في نايفٍ جهم الصحاصيح حدري=اليا رقيته و المزاهــب نشــيدي !
10- كنّ الثرا كراس ! والغيث حبري =وارضي سماي وجرهد البيد بيدي
11- ضلعٍ على ذكره مغنّيك يسري=معروف ويعرفه قريب وبعيدي !!
12- في قمّته قافي وعجزي وصدري=وشعري وريده زيّ ماهــو وريدي ..
13- ماكر حرار احرار ماهيب وكري '=ومربى زعـيم وشيـخ قـوم وعقيدي
14- واسمه على اسمه بالنواميس يحري=من خلقة الدنيا لايـوم الوعيـدي ،
15- الراس ، راس المجد ، والراس يدري=والابيض ، ابيض قلب كنّه رشيدي !
التوقيع :

التعديل الأخير تم بواسطة عبدالله مذكرالرشيدي ; 05-06-2015 الساعة 11:17 PM
  رد مع اقتباس
قديم 06-06-2015, 01:04 AM   #2
عضــو فضــي
 
الصورة الرمزية عاشق الليل

الجنس :  ذكـــر
الدولة :  في مكان ما
عاشق الليل has much to be proud ofعاشق الليل has much to be proud ofعاشق الليل has much to be proud ofعاشق الليل has much to be proud ofعاشق الليل has much to be proud ofعاشق الليل has much to be proud ofعاشق الليل has much to be proud ofعاشق الليل has much to be proud of
عاشق الليل غير متواجد حالياً
افتراضي رد: القصايد التي ترشحت للفوز بالمسابقه

قصائد في منتهي الروعه والجمال
وابداع في المجال الفخري والحماسي
التوقيع :
انا عشقت الليل من عشق مغليه
مثلـي يمـر الليـل ويلد يمـه
الليل فيه من الخفا سـر نخفيـه
ومن الورود الياسميـن ونشمـه
  رد مع اقتباس
قديم 09-06-2015, 01:27 PM   #3
عضــو ذهــبي
 
الصورة الرمزية سلطان الذيابي

الجنس :  ذكـــر
الدولة :  منتديات مضارب عبس
سلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond reputeسلطان الذيابي has a reputation beyond repute
سلطان الذيابي غير متواجد حالياً
افتراضي رد: القصايد التي ترشحت للفوز بالمسابقه

قصائد في منتهي الروعه والجمال
وابداع في المجال الفخري والحماسي
  رد مع اقتباس
قديم 12-06-2015, 11:38 AM   #4
شِــِتأأتـً رََجَـِلِ
 
الصورة الرمزية سفيرالغربه

الجنس :  ذكـــر
الدولة :  انيوزلندا
هواياتي :  اوصل طموحي
سفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond reputeسفيرالغربه has a reputation beyond repute
أعيش في عينه وأنا ميّتٍ فيـــه.
في وسط عينه كون من نوع ثاني ؟!
بس أتلهف كلمته يوم أنـــاديه
وليا نطق {لبيــه} طحت بمكاني
مشترك في دورة المواضيع الحضور الرائع وسام التواصل وسام مضارب عبس 
سفيرالغربه غير متواجد حالياً
افتراضي رد: القصايد التي ترشحت للفوز بالمسابقه

قصائد في منتهي الروعه والجمال
وابداع في المجال الفخري والحماسي
التوقيع :
احتراما للكلمه ..واحتراما للقارئ ..واحتراماً للمكان
أحرصوا على انتقاء ردودكم وماتضعون من صور في المدونات أو غيرها من المواضيع بـ ترك سـمعه حسنه وصـوره جميله ورآقيه.... لمتابعيكم ولأنفسكم اولاً...
أبطي وتبطي ويبطي حبك بقلبي
أسأل وتسأل ويسأل شوقنا عنا

أمشي وتمشي ويمشي زولك بدربي
أروح وتروح ويروح الزعل منا

أبعد وتبعد ويبعد من طلب قربي
أجيك وتجيني ونرجع مثل ما كنا
  رد مع اقتباس
قديم 12-08-2015, 06:26 AM   #5
ضيف ع مضارب عبس
افتراضي رد: القصايد التي ترشحت للفوز بالمسابقه

اكثر من رائعه........................سلمت
  رد مع اقتباس
قديم 17-01-2018, 08:27 AM   #6
شــاعر
 
الصورة الرمزية صالح مبارك
افتراضي رد: القصايد التي ترشحت للفوز بالمسابقه

قصايد جميله وفي قمة الرووووعه
التوقيع :
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
أسباب للفوز بحب الزوجة امير التواضع منتدى الاسرة والمجتمع 1 30-08-2013 01:31 PM
الا يامحرك احروف القصايد واعذب الذات فيصل الخياري منتدى الشعر الشعبي 6 16-02-2013 12:35 PM
المبتعث عياد الرشيدي يفوز بالمسابقه الدوليه خالدالشويلعي منتدى أخبار قبيلة بني رشيد 12 19-11-2011 08:18 PM
طريقة تنسيق القصايد الشعريه بالمنتدى..! صـــدى الأحـــزان منتدى الشعر الشعبي 9 17-12-2010 01:19 PM


الساعة الآن 10:11 PM


Powered by vBulletin® Version 3.8.7
Copyright ©2000 - 2018, vBulletin Solutions, Inc
تركيب : مجموعة الياسر لخدمات الويب

d3am - by kious99 : Search Engine Friendly URLs by vBSEO 3.3.0