يالله ياللي تعطي الخير يامعيد=ياسامع عبدك بليا رساله
بديت ذكر الله على العبد والسيد=حيث ان من بداه يحسن عماله
وحيث ان من بداه ياتى له شهيد=عن ما يقول العبد ربه يساله
يافاطري فدي توالي الهواديد=ولا يهيبك من غالي عنده رياله
وألفى لبيت للملافي كما العيد=( ابن غنيم ) ومن حضر من عياله
( سند) مرذي كنس الحيل بالقيد=خلا عليه البيت يهدم ظلاله
خلا عليه البيض تصيح وتعيد=بأول شهر عشر مضى من هلاله
خلا ضميره بالمشواك جلاعيد=يوم ان مفتول اليمين الستوا له
قدن عليه مرنقش الجيب تقديد=ماهو عجز لا صابك اللى جرا له
أصايل ( ابن غنيم ) ماهن بتقليد=لا هن اربع والأثلاث غلاله
مرددة ( ريمان ) بالأصايل ترديد=في قولهم مثل ( عزيز ابن خاله )
ياماحلا وان روحن مع قطا الريد=وبدارهن مامن قطاير بلاله
ا ن ضربوهن مع حدار ومسانيد=تقول شختول حقوق نزاله
تلقى مماسيهن عن مراحهن بعيد=يشدن رهاو مستمده حباله
ياشيخ من يعطي العطا الزاهد زهيد=طالبك ياريف المقصر زماله
ان طبت بى يا شيخ أنا مثلك أزيد=واللى يجي مقبول غير الرزاله