بني رشيد اللي من اول إلى الان اسلاحهــم يعبـــاء لراس المعـــادي عيال عبــــــس مطوعة كل طغيـــان مثل الحــــــرار اللي جردها الهدادي
جديد الموضوعات

 
 عدد الضغطات  : 8162 مركز تحميل المنتدى 
 عدد الضغطات  : 5665


اهداءات مضارب عبس



منتدى القصائد الخاصه لجميع عمالقة شعراء بني رشيد والقصائد الخاصه

إضافة رد
 
أدوات الموضوع انواع عرض الموضوع
قديم 09-11-2013, 01:37 PM   #1
ضيف ع مضارب عبس
23 يا دار وين

قصيده راشد بن محمد نميان الرشيدي





يادار وين مدلهين الجلاوي

بني رشيد اهل السيوف الرهيفه

هم درع من صارت عليه البلاوي

ودفاع من قوة دفاعه ضعيفه

فكاكت المبلي نهار العزاوي

عيال عبس اهل الفعول الشريفه


وقفاتهم فيها تضيع الهقاوي


مفرقت شمل الوليف وليفه

صويبهم ماله طبيبن يداوي

وحدودهم حرم ربيعه وصيفه

كم فارسن طاح المطيح الدناوي

يشوف ربعه ميتين النصيفه

من لاوعنه شنفهم طاح ثاوي

فرسانا مثل الجبال المنيفه


الياحل ابن براك مثل النداوي


تضرب بها الامثال وقعت شريفه


تسعه وتسعين بمطيح متساوي

اموات مافيهم صويب ونزيفه


دليم ابن براك سيفه نواوي


اليا كبرت البلوى نطحها بسيفه

يرد الخطر مثل القطيع الضماوي

الموت مايحسب حسابه يضيفه

يطب جمع المعتدي مايراوي

وجمعن يطبه يعلنون النكيفه

الخيل من صوته تطوف الملاوي

ودليم غادله وراها وحيفه

اميرنا اللي فعل سيفه لاماياوي

وتصارعه فرسان نجد وتعيفه


كم سربتن جاها بسيفه خلاوي

وهجو عنه فرسانها مع حتيفه

كلن يقول ويكثرون النخاوي

الموت جانا وحاذفتنا الحذيفه

دليم ابن براك بكره ضحاوي

جانا النذير واصفله وصيفه

يقول بكره عندكم يا الشواوي

يبي الحلال وزاهيات السفيفه

نهاركم بكره تقل ليل داوي

دليم قوله مثل ضرب القذيفه

ومن جاه جته الطامه والبلاوي

مواقفه تفرق فعوله عنيفه

مثله ماجابن لابسات المطاوي

ان طاعته والا عسفها عسيفه

حمى ديارن وسطها الذيب عاوي

فعايله يوم الفعايل طريفه

دليم صادم شاربين القهاوي




يتبع

التعديل الأخير تم بواسطة راشد المضيبري ; 09-11-2013 الساعة 01:54 PM
  رد مع اقتباس
قديم 09-11-2013, 01:49 PM   #2
ضيف ع مضارب عبس
23 يتبع : يا دار وين

(يتبع)


دليم صادم شاربين القهاوي

وعداه ولعها معاهم بليفه

اعداه تشكي من ضروبه مهاوي

النصر ضد عداه ماهو حليفه

اعداه تونس حاميات المكاوي

ضربات سيفه بالاوادم مخيفه

شيخ الشيوخ اللي يحل الشكاوي

بحرن تشوف الراسيات برصيفه

عاف اللغى ومجالسه للغاوي

وحرم بعد شوف الردي والهديفه

مال الردى فينا مجال وحراوي

الفعل وافي والنوايا نضيفه

واليوم دور مقطعين العراوي

سود الوجيه اهل العقول الخفيفه

مثل الفروخ اللي بدرج الحساوي

ان قلت جيفه وان تكلمت جيفه

دور الردي والعفن هو والضراوي

ان طاب خله وان تردى بكيفه

اهل البلا والواسطه والرشاوي

اللي لعنها الله ولاهي عفيفه

ناسن تغطي ماتغطاها غطاوي

وان انكشف شفت العيوب اللطيفه

ان جيتهم كثرت عليك الدعاوي

وان طعتهم ابشر في سواد الصحيفه

بقيت معزول حياتك شقاوي

لاضايفن غيرك ولاتستضيفه

يامكثرين اللجلجه والهزاوي

مجالكم ماله مساحه قضيفه

لو يستلمكم بالهوايه هواوي

وراكم صحيح الحياه الكسيفه

خلى بليد الوجه يرجع حياوي

يرقد وقلبه مايرفرف رفيفه



(تمت)

التعديل الأخير تم بواسطة راشد المضيبري ; 09-11-2013 الساعة 01:56 PM
  رد مع اقتباس
قديم 09-11-2013, 05:09 PM   #3
عضــو فضــي
افتراضي رد: يا دار وين

صح السانك وبني رشيد تستاهل
التوقيع :
  رد مع اقتباس
قديم 09-11-2013, 07:16 PM   #4
شــاعر
 
الصورة الرمزية عواد سعود
افتراضي رد: يا دار وين

سح لسانك وعبس تستاهل
التوقيع :
يابنت قربكـ مر ومفارقك مر = واغليك لوانك على الكبد مــــــرهّ
مرك عسل لوكان انامنه منظر = والمشكله قلبي عشق من يظره
واللى ادري اني فيك ضايع ومغتر = ياللي غرامك كل طاري يفره
  رد مع اقتباس
قديم 10-11-2013, 10:52 AM   #5
أبوعبدالله
 
الصورة الرمزية ثاري الشنيني
افتراضي رد: يا دار وين

صح لسان الشاعر
ولاهنت ياراشد المضيبري
  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 06:43 PM


Powered by vBulletin® Version 3.8.7
Copyright ©2000 - 2020, vBulletin Solutions, Inc
تركيب : مجموعة الياسر لخدمات الويب

d3am - by kious99 : Search Engine Friendly URLs by vBSEO 3.3.0